中環車仔麵店都好多，平時食開個間發現越嚟越差🤦🏻♀️所以走去試下呢間新開車仔麵。Lunch 去到只係坐咗兩三個客已經有點驚😳。3餸$55走飲品就$45比平時食開個間3餸$42包飲品貴💸。點咗陳皮魚蛋、墨丸及魚餃配清湯及少麻辣醬。
返到公司開餐發覺呢間車仔麵都幾細心💕，麵同湯係分開上。陳皮魚蛋都分開唔加落個湯到影響湯底味道，咁個湯一定係正嘢啦。試一口湯，嘩～ 😋😋 鮮雞湯咁，好味道，覺得自己唔要麻辣湯底係good pick 🤣🤣🤣🤣 墨丸、魚餸各3粒，味道唔係太特別，應該都係攞貨。個麻辣醬可自行加入湯變麻辣湯，點下少少試下都幾辣㗎。湯真係好味，配米線真係好正 👍🏻 我食得晒 d 麵其實分量都算少。
#foodieママ
Search